Gizakia Jainkoak sortu zuela pentsatzen zuen jendeak, Charles Darwin naturalista
britainiarrak eboluzioaren teoria proposatu arte.
Beagle itsasontzian bost urteko bidaia egin
eta gero, Espezieen jatorriaz liburua idatzi zuen, 1859an. Bidaia
hartan bisitatu zituen herrialdeetako geologia, landareak eta animaliak ikertu
zituen, eta izaki bizidun guztiok (animaliek,
landareek, gizon-emakumeok...) jatorri
berbera daukagula ondorioztatu
zuen.
Darwin konturatu zen eboluzioaren emaitza zela
bizitza, eta aldaketa hori egiaztatzeko teoria bat azaldu zuen Espezieen
jatorriaz liburuan. Darwinen arabera, prozesu horrek milioika urte
iraun zuen.
Darwinen teoria hautespen
naturalean oinarrituta dago. Baina zer esan nahi du termino
horrek? Espezie trebeenek, indartsuenek eta garatuenek errazago biziraun
dezaketela, ingurumenean aurkitzen dituzten zailtasunak gaindituz, espezie
ahulagoek edo motelagoek edo gutxiago garatuek baino. Bizirautea lortzen
dutenek beren ezaugarriak transmititzen dizkiete ondorengoei.
Darwinen eboluzioaren teoriak errotik aldatu
zuen XIX. mendean zeukaten pentsatzeko modua, eta ezinbestekoa da gure
planetan dagoen bizitza-aniztasuna ulertzeko.
iruzkinik ez:
Argitaratu iruzkina